606. mál: Menningarminjar o.fl.

Samantekt

Markmið: Sameining stofnana til að efla fagumhverfi og stjórnsýslu á málefnasviðinu.

Helstu breytingar og nýjungar: Lagt er til að Þjóðminjasafn Íslands og Minjastofnun Íslands verði sameinuð í eina stofnun, Þjóðminjastofnun. Þjóðminjasafnið verði áfram til sem höfuðsafn og að um það gildi sérlög. Verkefni sem lúta að friðlýsingu húsa og mannvirkja og afnámi slíkrar friðlýsingar færast til ráðherra, sem og verkefni Minjastofnunar Íslands.

Skýrar er kveðið á um hvaða skilyrði sé heimilt að setja fyrir veitingu leyfa til fornleifarannsókna og mælt fyrir um menntunarkröfur til þeirra sem stjórna leyfisskyldum fornleifarannsóknum. Einnig er kveðið á um skil fyrri rannsókna áður en ný rannsóknaleyfi eru veitt.

Breytingar á lögum og tengd mál: Lög um menningarminjar, nr. 80/2012.

Lög um Þjóðminjasafn íslands, nr. 140/2011.

Lög um verndrsvæði í byggð, nr. 87/2015.

Lög um skil menningarverðmæta til annarra landa, nr. 57/2011.

Lög um mannvirki, nr. 160/2010.

Lög um náttúruvernd, nr. 60/2013.

Kostnaður og tekjur: Talið er að ávinningur í sameinuðum rekstri gæti numið 4,1% af samanlögðum rekstrarútgjöldum fyrir árið 2015 eða alls 47,0 milljónum króna á ársgrundvelli.

Aðrar upplýsingar:

Þjóðminjasafn Íslands.

Minjastofnun Íslands.

Stefnuyfirlýsing ríkisstjórnar Framsóknarflokksins og Sjálfstæðisflokksins 22. maí 2013.

Efnisflokkar: Hagstjórn: Fjárreiður ríkisins | Mennta- og menningarmál: Menningarmál | Mennta- og menningarmál: Menntamál

606 | Menningarminjar o.fl. (Þjóðminjastofnun)

Þingskjöl