560. mál: Útlendingar

560 | Útlendingar (kærunefnd, fjölgun nefndarmanna)

145. þing | 26.2.2016 | Lagafrumvarp Samþykkt

Umsagnir: 5 | Þingskjöl: 5 | Staða: Lokið

Samantekt

Markmið: Að tryggja sanngjarna og skilvirka málsmeðferð við meðferð umsókna um alþjóðlega vernd.

Helstu breytingar og nýjungar: Lagt er til að nefndarmönnum í kærunefnd útlendingamála verði fjölgað úr þremur í sjö.

Lögð er til breyting á dvalarleyfi á grundvelli mannúðarsjónarmiða til að tryggja vandaða málsmeðferð þegar heilbrigðisástæðum er borið við.

Lagt til að réttaráhrifum verði ekki frestað í málum þar sem ríki eru talin örugg upprunaríki.

Lögð er til breyting sem miðar að því að gera Útlendingastofnun kleift að sinna upplýsingaskyldu gagnvart hælisleitendum líkt og lögreglu í upphafi málsmeðferðar en einnig er afnumin heimild Útlendingastofnunar til að taka ákvörðun án þess að taka viðtal við hælisleitanda.

Breytingar á lögum og tengd mál: Lög um útlendinga nr. 96/2002.

Kostnaður og tekjur: Kemur ekki fram í frumvarpinu.

Afgreiðsla: Frumvarpið varð að lögum með þeim breytingum meðal annars að nefnd sem metur hæfi umsækjenda um formennsku og varaformennsku í kærunefnd útlendingamála skili umsögn um hæfi til ráðherra en taki ekki afstöðu til þess hver sé hæfastur.

Formanni og varaformanni kærunefndar útlendingamála er veitt heimild til að ákveða að kærandi komi fyrir nefndina. Einnig var felld brott 3.gr. c-liður frumvarpsins um að kæra fresti ekki réttaráhrifum þegar um er að ræða ákvörðun þar sem synjað er um hæli og mannúðarleyfi og kærandi kemur frá ríki sem er á lista yfir örugg upprunaríki.

Efnisflokkar: Hagstjórn: Fjárreiður ríkisins | Lög og réttur: Löggæsla og eftirlit | Lög og réttur: Persónuleg réttindi

Þingskjöl

Umsagnir