Markmið: Að einfalda og skýra lög um ársreikninga, sérstaklega hvað varðar lítil fyrirtæki.

Helstu breytingar og nýjungar: Minnstu félögunum, svonefndum örfélögum, verður heimilt að skila einfaldri útgáfu af ársreikningi til ársreikningaskrár sem byggist á skattframtali félagsins. Þá eru lagðar til nokkrar breytingar er snúa að viðurlagaákvæðum laganna.

Breytingar á lögum og tengd mál: Breyta á lögum um ársreikninga nr. 3/2006 og innleiða ársreikningatilskipun nr. 2013/34/ESB.

Kostnaður og tekjur: Kostnaðaráhrif eru óljós en ekki er gert ráð fyrir auknum útgjöldum.

Aðrar upplýsingar: Ársreikningatilskipun Evrópusambandsins nr. 2013/34/ESB.

Afgreiðsla: Samþykkt með nokkrum breytingum sem skerpa og skýra betur megintilgang frumvarpsins.

Efnisflokkar: Erlend samskipti: Alþjóðasamningar og utanríkismál  |  Lög og réttur: Löggæsla og eftirlit  |  Atvinnuvegir: Viðskipti