Markmið: Að skýra og treysta grundvöll  álagningar fráveitugjalds á vegum fráveitna sveitarfélaga.

Helstu breytingar og nýjungar: Að heimilt verði að innheimta fráveitugjald af öllum fasteignum þar sem tenging er fyrir hendi við mörk fasteignar. Fráveitugjald verður hlutfall af fasteignamati en þó aldrei hærra en 0,5% af heildarfasteignamati og stjórn fráveitu verður skylt að yfirtaka eina tengingu við fráveitu frá safnakerfi að lóðamörkum sveitarfélags.

Breytingar á lögum og tengd mál: Breyta á lögum um uppbyggingu og rekstur fráveitna nr. 9/2009.

Kostnaður og tekjur: Hefur ekki áhrif á ríkissjóð.

Aðrar upplýsingar: Dómur Hæstaréttar nr. 613/2013 sem varð kveikjan að þessari lagabreytingu.

Afgreiðsla: Samþykkt óbreytt.

Efnisflokkar: Umhverfismál: Mengun  |  Hagstjórn: Skattar og tollar  |  Stjórnarskipan og stjórnsýsla: Sveitarstjórnarmál  |  Umhverfismál: Umhverfisstjórn og náttúruvernd