Markmið: Að auka vernd vátryggingartaka og vátryggðra og tryggja stöðugleika á fjármálamarkaði.

Helstu breytingar og nýjungar: Helstu breytingar varða fjárhagslegan styrk vátryggingafélaga (gjaldþolskröfur) og auknar kröfur um stjórnarhætti. Frumvarpið er byggt á tilskipun um stofnun og starfrækslu vátryggingafélaga.

Breytingar á lögum og tengd mál: Um er að ræða ný lög sem eiga að taka gildi 1. mars 2016 og leysa af hólmi gildandi lög nr. 56/2010 um vátryggingastarfsemi.

Kostnaður og tekjur: Hefur ekki áhrif á ríkissjóð.

Aðrar upplýsingar: Tilskipun 2009/138/EB, ("Solvency II") um stofnun og starfrækslu vátryggingafélaga, ásamt breytingum á þeirri tilskipun, tilskipun 2014/51/ESB ("Omnibus II"). 

Afgreiðsla: Samþykkt með töluverðum orðalagsbreytingum til áréttingar. Lögin taka gildi 1. október 2016.

Efnisflokkar: Erlend samskipti: Alþjóðasamningar og utanríkismál  |  Hagstjórn: Fjárreiður ríkisins  |  Atvinnuvegir: Viðskipti