Markmið: Markmið frumvarpsins er að auðvelda húsnæðissamvinnufélögum að starfa á Íslandi, að auka vernd búseturéttarhafa og skýra nánar réttarstöðu þeirra, annarra félagsmanna sem og húsnæðissamvinnufélaganna sjálfra. Einnig er frumvarpinu ætlað að stuðla að sjálfbærum rekstri slíkra félaga.

Helstu breytingar og nýjungar: Lagt er til að nákvæmari ákvæði verði í samþykktum húsnæðissamvinnufélaga um fjármál þeirra. Einnig er lagt til að húsnæðissamvinnufélögum verði óheimilt að kveða á um kaupskyldu á búseturétti í samþykktum sínum og búsetusamningum. Lagðar eru til breytingar sem miða að því að styrkja og skýra réttarstöðu búseturéttarhafa.

Breytingar á lögum og tengd mál: Lög um húsnæðissamvinnufélög nr. 66/2003.

Kostnaður og tekjur: Ekki er gert ráð fyrir auknum kostnaði fyrir ríkissjóð.

Aðrar upplýsingar: Lög á Norðurlöndum.

Umsagnir (helstu atriði): Umsagnir voru almennt jákvæðar. Búseti á Norðurlandi gerði þó miklar athugasemdir við frumvarpið. Einnig gerði ríkisskattstjóri athugasemdir við nokkrar greinar þess.

Afgreiðsla: Frumvarpið var samþykkt með breytingum. Þær sneru meðal annars að því að við slit húsnæðissamvinnufélaga rennur fé þeirra ekki til þeirra sem að félaginu standa, umfram það gjald sem búseturéttarhafar greiddu fyrir búseturétt sinn. 

Efnisflokkar: Samfélagsmál: Félagsmál  |  Atvinnuvegir: Viðskipti