Markmið: Að setja lagastoð fyrir því að hægt verði að efna ákvæði samkomulags um stefnumörkun fyrir íslenska kvikmyndagerð og kvikmyndamenningu árin 2012-2015 um útgreiðslu miðastyrkja.

Helstu breytingar og nýjungar: Lagt er til að greiddir verði styrkir til kvikmyndaframleiðenda vegna sýninga á íslenskum bíómyndum í kvikmyndahúsum hér á landi til að vega upp á móti áhrifum af álagningu virðisaukaskatts á aðgöngumiða sem kom til framkvæmda árið 2013. 

Kostnaður og tekjur: Gert er gert ráð fyrir 30 milljóna kr. fjárheimild til miðastyrkja í fjárlagafrumvarpi fyrir árið 2016.

Aðrar upplýsingar: Samkomulag um stefnumörkun fyrir íslenska kvikmyndagerð og kvikmyndamenningu árin 2012-2015.

Umsagnir (helstu atriði): Umsagnir voru almennt jákvæðar en athugasemdir voru gerðar við einstaka atriði.

Afgreiðsla: Frumvarpið var samþykkt nær óbreytt.

Efnisflokkar: Hagstjórn: Fjárreiður ríkisins  |  Mennta- og menningarmál: Menningarmál  |  Atvinnuvegir: Viðskipti