Markmið: Að innleiða Evróputilskipun sem ætlað er að tryggja að ekki sé gloppa í aðgengi að menningararfi Evrópu í stafrænu formi.

Helstu breytingar og nýjungar: Frumvarpið tekur til almenningsbókasafna, menntastofnana, safna, skjalasafna, varðveislustofnana kvikmynda og hljóðrita og útvarpsstöðva sem veita opinbera þjónustu. Skilgreint er hvað telst vera munaðarlaust verk. Tilskipunin heimilar ákveðnum menningarstofnunum að nota verk án heimildar rétthafa ef komist er að þeirri niðurstöðu, eftir ítarlega leit, að viðkomandi verk séu munaðarlaus.

Breytingar á lögum og tengd mál: Höfundalög nr. 73/1972.

Kostnaður og tekjur: Ekki er gert ráð fyrir auknum útgjöldum fyrir ríkissjóð.

Aðrar upplýsingar: Tilskipun Evrópuþingsins og ráðsins 2012/28/ESB um tiltekna leyfilega notkun á munaðarlausum verkum. (Bls. 891-898).

Umsagnir (helstu atriði): Umsagnir mæltu flestar með samþykkt frumvarpsins.

Afgreiðsla: Frumvarpið var samþykkt óbreytt.

Efnisflokkar: Erlend samskipti: Alþjóðasamningar og utanríkismál  |  Mennta- og menningarmál: Menningarmál  |  Atvinnuvegir: Viðskipti