Markmið: Að greiða fyrir gerð nauðasamninga fallinna fjármálafyrirtækja.

Helstu breytingar og nýjungar: Breytingarnar varða skattlagningu vaxta vegna skuldabréfa, afmörkun skattskyldu og ákvæði er varða samþykki kröfuhafa nauðasamninga, sbr. lög um stöðugleikaskatt nr. 60/2015.

Breytingar á lögum og tengd mál: Breyta á lögum um tekjuskatt nr. 90/2003, lögum um sérstakan skatt á fjármálafyrirtæki nr. 155/2010 og lögum um fjármálafyrirtæki nr. 161/2002.

Kostnaður og tekjur: Hefur líklega ekki áhrif á ríkissjóð en ef svo er þá eru þau óveruleg.

Umsagnir (helstu atriði): Umsagnir voru jákvæðar en bent var á nokkur atriði sem betur mættu fara og var brugðist við þeim flestum.

Afgreiðsla: Samþykkt með nokkrum breytingum sem styrkja megintilgang laganna, þ. á m. var samþykkt breyting á lögum um stöðugleikaskatt nr. 60/2015 (2. gr.), sem eru IV. kafli laganna.

Efnisflokkar: Hagstjórn: Efnahagsmál  |  Hagstjórn: Fjárreiður ríkisins  |  Hagstjórn: Skattar og tollar  |  Atvinnuvegir: Viðskipti