Markmið: Að rýmka heimild til notkunar íslenska þjóðfánans þannig að unnt verði að nota hann til að auðkenna íslenska framleiðslu.

Helstu breytingar og nýjungar: Lagt er til að heimilt verði að nota fánann við markaðssetningu vöru og þjónustu sem er íslensk að uppruna, án sérstaks leyfis. Undantekning er þegar fáninn er notaður í vörumerki sem skal skrásetja hjá Einkaleyfastofunni. Neytendastofu er falið að hafa eftirlit með notkun fánans við markaðssetningu á vörum og þjónustu ásamt því að veita leyfi fyrir notkun fánans í vörumerki. 

Breytingar á lögum og tengd mál: Lög um þjóðfána Íslendinga og ríkisskjaldarmerkið nr. 34/1944.

Kostnaður og tekjur: Áhrif frumvarpsins á útgjöld ríkissjóðs eru talin óveruleg.

Aðrar upplýsingar:

Lög, reglur og leiðbeiningar á Norðurlöndum

Afgreiðsla: Frumvarpið var samþykkt með minni háttar breytingum.

Efnisflokkar: Mennta- og menningarmál: Menningarmál  |  Atvinnuvegir: Viðskipti