Markmið: Að stuðla að ábyrgri stjórn opinberra fjármála.

Helstu breytingar og nýjungar: Breytingarnar snúa að aukinni áherslu á stefnumótun um opinber fjármál, breytingum á framsetningu fjárlaga, bættum úrræðum til að bregðast við frávikum og aðlögun að alþjóðlegum stöðlum um reikningshald ríkisins. Helstu atriðin eru að lögfest verði ítarlegri ákvæði en nú gilda um stefnumörkun í opinberum fjármálum og skipað skuli fjármálaráð sem leggur mat á hvort stefnunni sé framfylgt. Við framlagningu á frumvarpi til fjárlaga verður leitað heimilda til útgjalda eftir málefnasviðum og málaflokkum í stað fjárlagaliða einstakra stofnana og verkefna.

Breytingar á lögum og tengd mál: Um er að ræða ný lög sem koma í stað laga um fjárreiður ríkisins, nr. 88/1997.

Kostnaður og tekjur: Varanlegur kostnaðarauki er talinn vera um 370-480 milljónir króna en tímabundinn kostnaður um 440-620 milljónir, þ.e. um 1 milljarður fyrsta árið en í kringum 400 milljónir eftir það.

Aðrar upplýsingar:

Traust stoð opinberrar fjármálastjórnar mikilvæg. Fréttatilkynning frá fjármála- og efnahagsráðuneytinu 9. okt. 2014.

Iceland. Toward a New Organic Budget Law (2012). Washington: International Monetary Fund.

Government Finance Statistics Manuals and Guides (2014). Washington: International Monetary Fund.  

Reglugerð um framkvæmd fjárlaga og ábyrgð á fjárreiðum ríkisstofnana í A-hluta nr. 1061/2004.

Sigurður Rúnar Sigurjónsson (2004). Fjárlagaferli þjóðþinga. Lokaverkefni (M.S.) viðskiptafræði, H.Í. 

Umsagnir (helstu atriði): Nokkrar umsagnir bárust með athugasemdum og ábendingum.

Afgreiðsla: Samþykkt með minni háttar breytingum.

Efnisflokkar: Hagstjórn: Fjárreiður ríkisins