Markmið: Að innleiða Evróputilskipun.

Helstu breytingar og nýjungar: Helsta breyting felst í því að lögin munu ná til allra orkutengdra vara í stað þess að ná eingöngu til vara sem nota orku. Aðrar breytingar eru minni háttar og tengjast innleiðingu á nýrri Evróputilskipun auk þess sem valdheimildir Mannvirkjastofnunar vegna eftirlits og brota á lögunum verða tryggðar.

Breytingar á lögum og tengd mál: Breyta á lögum nr. 42/2009, um visthönnun vöru sem notar orku, og innleiða tilskipun Evrópuþingsins og ráðsins 2009/125/EB frá 21. október 2009.

Kostnaður og tekjur: Hefur ekki áhrif á ríkissjóð.

Aðrar upplýsingar:

Neytendastofa.

Mannvirkjastofnun.

Tilskipun Evrópuþingsins og ráðsins 2009/125/EB, um ramma til að setja fram kröfur varðandi visthönnun að því er varðar orkutengdar vörur.

Umsagnir (helstu atriði): Umsögn barst frá Neytendastofu sem mótmælti flutningi verkefna til Mannvirkjastofnunar.

Afgreiðsla: Samþykkt óbreytt.

Efnisflokkar: Erlend samskipti: Alþjóðasamningar og utanríkismál  |  Umhverfismál: Orkumál og auðlindir  |  Atvinnuvegir: Viðskipti