Markmið: Að auðvelda slit fjármálafyrirtækja.

Helstu breytingar og nýjungar: Nauðasamningsferli fjármálafyrirtækja verður einfaldara og gert er ráð fyrir að staðfestingu frumvarps að nauðasamningi skuli fylgja mat og samþykki Seðlabanka Íslands á efnahagslegum áhrifum frumvarpsins. 

Breytingar á lögum og tengd mál: Breyta á lögum nr. 161/2002 um fjármálafyrirtæki. Einnig verður bráðabirgðaákvæði, sjá 4. gr., bætt við lög um Seðlabanka Íslands nr. 36/2001.

Kostnaður og tekjur: Hefur ekki bein áhrif á ríkissjóð.

Aðrar upplýsingar:

Umsagnir (helstu atriði): Athugasemdir voru margar en efnislegar athugasemdir fáar.

Afgreiðsla: Samþykkt með nokkrum breytingum sem þó hafa ekki áhrif á meginatriði frumvarpsins.

Efnisflokkar: Hagstjórn: Efnahagsmál  |  Hagstjórn: Fjárreiður ríkisins  |  Atvinnuvegir: Viðskipti