Markmið: Að losa um fjármagnshöft.

Helstu breytingar og nýjungar: Skattstofn verði heildareignir skattskylds aðila þann 31. desember 2015 og skatthlutfall verði 39%. Heimilt verði að draga andvirði fyrirframskilgreindra langtímafjárfestinga skattskylds aðila, í skuldaviðurkenningu innlends við­skipta­banka eða sparisjóðs, frá reiknuðum skatti gegn greiðslu í eigin reiðufé í erlendum gjaldeyri eftir 30. júní til og með 31. desember 2015. Stöðugleikaskattur verði lagður á 15. apríl 2016.  

Breytingar á lögum og tengd mál: Um er að ræða ný lög. Breyta á lögum nr. 87/1992, um gjaldeyrismál, og lögin ná til aðila sem áður störfuðu sem fjármálafyrirtæki á grundvelli laga nr. 161/2002.

Kostnaður og tekjur: Ríkissjóður getur einungis haft tekjur af þessari lagasetningu en hvað þær verða miklar er alls óvíst. Ráðuneytið gerir ráð fyrir að tekjurnar geti numið 600-900 milljörðum króna.

Aðrar upplýsingar: Heildstæð aðgerðaráætlun til losunar fjármagnshafta kynnt. Fréttatilkynning og upplýsingaefni frá fjármála- og efnahagsráðuneytinu 8. júní 2015.

Umsagnir (helstu atriði): Margar umsagnir bárust þar sem gerðar voru athugasemdir við ýmsar greinar.

Afgreiðsla: Samþykkt með minni háttar breytingum.

Efnisflokkar: Hagstjórn: Efnahagsmál  |  Hagstjórn: Fjárreiður ríkisins  |  Hagstjórn: Skattar og tollar  |  Atvinnuvegir: Viðskipti