Markmið: Að bregðast við bágri stöðu lífeyrissjóða starfsmanna hins opinbera.

Helstu breytingar og nýjungar: Lífeyrissjóði verði heimilt að hafa allt að 13% mun á milli eignarliða og framtíðarskuldbindinga í stað 11%. Heimilt verði að hafa meira en 10% mun á milli eignarliða og lífeyrisskuldbindinga í sjö ár í stað sex ára.

Breytingar á lögum og tengd mál: Breyta á lögum um skyldutryggingu lífeyrisréttinda og starfsemi lífeyrissjóða, nr. 129/1997.

Kostnaður og tekjur: Hefur ekki áhrif á ríkissjóð.

Aðrar upplýsingar: Um er að ræða tímabundna aðgerð til að vinna tíma til að vinna að varanlegri úrlausn á stöðu A-deildar Lífeyrissjóðs starfsmanna ríkisins í heildstæðu samhengi við lífeyrisréttindi og kjaramál á vinnumarkaði.

Umsagnir (helstu atriði): Engar umsagnir voru um þetta mál.

Afgreiðsla: Samþykkt óbreytt sem lög nr. 96/2014.

Efnisflokkar: Samfélagsmál: Félagsmál