Markmið: Að kvótasetja markríl til sex ára.

Helstu breytingar og nýjungar:

Af leyfilegum heildarafla í makríl verði 90% ráðstafað til fiskiskipa á grundvelli veiðireynslu á árunum 2011–2014, 5% verði ráðstafað sérstaklega til fiskiskipa sem stundað hafa veiðar með línu og handfærum árin 2009–2014 og 5% verði ráðstafað í hlutfalli við þann hluta makrílafla skipa sem var unninn til manneldis á árunum 2009 og 2010. Kvóta verður úthlutað til sex ára sem framlengist árlega um eitt ár í senn að óbreyttu.

Kostnaður og tekjur: Eykur tekjur ríkissjóðs um um það bil 1,5 milljarða króna á þessu ári.

Aðrar upplýsingar:

Fréttatilkynning atvinnuvega- og nýsköpunarráðuneytisins um framlagningu frumvarpsins 1. apríl 2015.

Álit umboðsmanns Alþingis. Sjávarútvegsmál. Stjórn fiskveiða. Úthlutun aflaheimilda. Aflahlutdeildarsetning makríls. Lögmætisreglan. Meinbugir á lögum. (Mál nr.7021/2012 og 7400/2013).

Vakin er athygli á ítarlegri skýrslu um makrílveiðar í greinargerð frumvarpsins.

Umsagnir (helstu atriði): Flestir umsagnaraðilar eru mjög gagnrýnir á frumvarpið.  

Efnisflokkar: Erlend samskipti: Alþjóðasamningar og utanríkismál  |  Atvinnuvegir: Sjávarútvegur  |  Hagstjórn: Skattar og tollar