Markmið: Að heimila innleiðingu reglugerða frá ESB.

Helstu breytingar og nýjungar: Leyfisveiting sem veitir undanþágur frá banni við innflutningi á tilteknum vörutegundum verður alfarið færð til Matvælastofnunar.

Breytingar á lögum og tengd mál: Breyta á lögum um dýrasjúkdóma og varnir gegn þeim
nr. 25/1993.

Kostnaður og tekjur: Hefur ekki áhrif á ríkissjóð.

Aðrar upplýsingar:

Matvælastofnun.

Reglugerð ESB um heilbrigðisreglur um aukaafurðir úr dýrum sem ekki eru ætlaðar til manneldis, nr. 1774/2002.

Reglugerð ESB um heilbrigðisreglur er varða aukaafurðir úr dýrum og afleiddar afurðir sem ekki eru ætlaðar til manneldis, nr. 1069/2009.

 

 

Umsagnir (helstu atriði): Umsagnaraðilar gera ekki efnislegar athugasemdir við frumvarpið en benda á að Eftirlitsstofnun EES (ESA) telji að fyrirkomulag leyfisveitingakerfis vegna innflutnings á fersku kjöti standist ekki.

Afgreiðsla: Samþykkt óbreytt.

Efnisflokkar: Erlend samskipti: Alþjóðasamningar og utanríkismál  |  Heilsa og heilbrigði: Heilbrigðiseftirlit  |  Atvinnuvegir: Landbúnaður