Markmið:

Helstu breytingar og nýjungar: Verið er að innleiða Evróputilskipanir til þess að greiða fyrir aðgengi að heilbrigðisþjónustu yfir landamæri, tryggja frjálst flæði sjúklinga innan sambandsins og stuðla að samvinnu um heilbrigðisþjónustu á milli aðildarríkja. Einnig verður viðurkenning á lyfseðlum sem eru gefnir út í öðrum aðildarríkjum auðvelduð. 

Breytingar á lögum og tengd mál: Lög um sjúkratryggingar nr. 112/2008.

Kostnaður og tekjur: Verði frumvarpið óbreytt að lögum má gera ráð fyrir að útgjöld ríkissjóðs kunni að aukast um 39,5 milljónir kr. á árinu 2016 en þar af eru um 6 milljónir kr. tímabundin framlög.

Aðrar upplýsingar: Tilskipun Evrópuþingsins og ráðsins 2011/24/ESB frá 9. mars 2011 um réttindi sjúklinga varðandi heilbrigðisþjónustu yfir landamæri. (Bls. 888-908).

Umsagnir (helstu atriði): Gerðar voru athugasemdir við nokkrar greinar frumvarpsins. Sjúkratryggingar Íslands töldu kostnaðarmat of lágt og bentu á að þær geti ekki tekið að sér þau verkefni sem tiltekin eru í frumvarpinu ef ekki verði tryggt nægilegt fé til rekstursins.

Afgreiðsla: Frumvarpið var ekki afgreitt úr nefnd.

Efnisflokkar: Erlend samskipti: Alþjóðasamningar og utanríkismál  |  Heilsa og heilbrigði: Heilbrigðismál