Markmið: Að stuðla að vernd og varðveislu byggðar sem hefur sögulegt gildi.

Helstu breytingar og nýjungar: Sveitarfélög verða skylduð til að meta reglulega hvort innan þeirra sé byggð sem ástæða sé til að gera að verndarsvæði. Ákvörðun um að gera byggð að verndarsvæði verður hjá ráðherra sem fer með þjóðmenningarmál.

Breytingar á lögum og tengd mál: Skipulagslög nr.123/2010.

Kostnaður og tekjur: Ekki er gert ráð fyrir auknum kostnaði fyrir ríkissjóð. Samband sveitarfélaga telur að kostnaðaráhrif frumvarpsins geti orðið talsverð að ákvæðum frumvarpsins óbreyttum.

Aðrar upplýsingar: Stefnuyfirlýsing ríkisstjórnar Framsóknarflokksins og Sjálfstæðisflokksins 22. maí 2013.

Umsagnir (helstu atriði): Margir umsagnaraðilar töldu að sjálfstjórnarréttur sveitarfélaga væri skertur ef frumvarpið yrði að lögum. Sumir töldu lögin óþörf en aðrir voru ánægðir með markmið frumvarpsins.

Afgreiðsla: Frumvarpið var samþykkt með breytingum sem sneru meðal annars að hlutverki sveitarstjórna og skýrara refsiákvæði.

Efnisflokkar: Mennta- og menningarmál: Menningarmál  |  Stjórnarskipan og stjórnsýsla: Sveitarstjórnarmál  |  Umhverfismál: Umhverfisstjórn og náttúruvernd