Markmið: Að setja skýran ramma utan um sinubrennu, bálkesti og meðferð elds á víðavangi.

Helstu breytingar og nýjungar:

Verði frumvarpið að lögum verður sinubrenna eingöngu heimil á lögbýlum þar sem stundaður er landbúnaður og einungis í rökstuddum tilgangi í jarðrækt eða búfjárrækt og þá samkvæmt skriflegu leyfi sýslumanns. Þá verður óheimilt að
brenna bálköst nema með skriflegu leyfi sýslumanns nema ef brenndur er minna en einn rúmmetri af efni.

Breytingar á lögum og tengd mál: Um er að ræða ný lög en verði frumvarpið að lögum falla úr gildi lög um sinubrennur og meðferð elds á víðavangi. nr. 61/1992.

Kostnaður og tekjur: Hefur ekki áhrif á ríkissjóð.

Aðrar upplýsingar: Áhættuskoðun Almannavarna. Helstu niðurstöður (2011). Reykjavík: Ríkislögreglustjórinn, almannavarnadeild. Sjá bls. 13-14 og 94-95.

Umsagnir (helstu atriði): Umsagnaraðilar eru nær allir samþykkir frumvarpinu og gera fáar athugasemdir.

Afgreiðsla: Frumvarpið var samþykkt óbreytt.

Efnisflokkar: Atvinnuvegir: Landbúnaður  |  Umhverfismál: Umhverfisstjórn og náttúruvernd