Markmið: Að skerpa og styrkja stjórnsýslu menntamála, gæðastarf og þjónustu við skóla með stofnun nýrrar stjórnsýslustofnunar menntamála, Menntamálastofnunar.

Helstu breytingar og nýjungar: Menntamálastofnun mun sinna þeim verkefnum sem Námsmatsstofnun og Námsgagnastofnun sinna nú, auk þess sem stjórnsýsluverkefni verða flutt frá mennta- og menningarmálaráðuneyti til hinnar nýju stofnunar. 

Kostnaður og tekjur: Ekki er gert ráð fyrir auknum útgjöldum ríkissjóðs.

Aðrar upplýsingar: Sambærilegar stofnanir á Norðurlöndum:

Umsagnir (helstu atriði): Umsagnir voru flestar jákvæðar en gerðar voru athugasemdir við einstaka greinar frumvarpsins. Mörgum þótti hlutverk stofnunarinnar ekki nægilega vel skilgreint. Einnig var áréttað mikilvægi þess að starfsmenn haldi kjörum sínum og öðrum réttindum samhliða þeim breytingum sem lagðar eru til í frumvarpinu.

Afgreiðsla: Frumvarpið var samþykkt með nokkrum breytingum. Meðal annars var bætt við nýrri grein um sjö manna ráðgjafarnefnd sem forstjóri hefur sér til ráðuneytis. 

Efnisflokkar: Hagstjórn: Fjárreiður ríkisins  |  Mennta- og menningarmál: Menntamál