455 | Náttúrupassi (heildarlög)
144. þing
| 9.12.2014
| Lagafrumvarp
| Stjórnarmál
Umsagnir: 55 | Þingskjöl: 1 | Nefnd: AV | Staða: Umsagnarfrestur liðinn (20.2.2015)
Markmið: Að afla tekna til að stuðla að verndun náttúrunnar og tryggja framlög til öryggismála ferðamanna.
Helstu breytingar og nýjungar:
Gert er ráð fyrir að gjald fyrir náttúrupassa verði 1.500 kr. fyrir hvern einstakling 18 ára og eldri, passinn gildi í þrjú ár. Ferðamálastofa annist innheimtu gjaldsins og tekjurnar renni í Framkvæmdasjóð ferðamannastaða. Ráðherra er ætlað að skipa sex fulltrúa í fagráð um öryggismál ferðamanna og ráðið á einnig að gera tillögur um úthlutun fjármuna til verkefna er varða öryggismál ferðamanna.
Breytingar á lögum og tengd mál:
Breyta á lögum um Framkvæmdasjóð ferðamannastaða nr. 75/2011 og fella á úr gildi lög um gistináttagjald nr. 87/2001.
Kostnaður og tekjur: Tekjur geta orðið á bilinu 2,2-5,2 milljarðar eftir því hve ferðamenn verða margir. Aukinn kostnaður Ferðamálastofu verður tekinn af gjöldum af náttúrupassanum þannig að nettóstaða ríkissjóðs verður óbreytt.
Aðrar upplýsingar: Atvinnuvega- og nýsköpunarráðuneytið. Fréttir 9.12.2014. Náttúrupassa er ætlað að standa undir uppbyggingu ferðamannastaða og verndun íslenskrar náttúru (meðfylgjandi er lögfræðimat um almannarétt og spurningar og svör varðandi frumvarpið).
Efnisflokkar: Atvinnuvegir: Ferðaþjónusta | Hagstjórn: Fjárreiður ríkisins | Hagstjórn: Skattar og tollar | Umhverfismál: Umhverfisstjórn og náttúruvernd
