Markmið: Að styrkja lagaramma um starfsemi ökutækjaleiga.

Helstu breytingar og nýjungar:

Lögin ná yfir allar tegundir skráningarskyldra ökutækja. Breyting verður varðandi útgáfu starfsleyfa og einkaleigur verða felldar undir lögin, þ.e. þegar einstaklingar leigja út ökutæki til annarra einstaklinga með milligöngu leigumiðlunar.

Breytingar á lögum og tengd mál: Um er að ræða ný lög sem byggja á núgildandi lögum um bílaleigur nr. 64/2000.

Kostnaður og tekjur: Hefur ekki áhrif á ríkissjóð.

Umsagnir (helstu atriði): Umsagnaraðilar fagna frumvarpinu en gera nokkrar almennar athugasemdir.

Afgreiðsla: Samþykkt með nokkrum breytingum sem eiga að auka skýrleika.

Efnisflokkar: Atvinnuvegir: Ferðaþjónusta  |  Lög og réttur: Löggæsla og eftirlit  |  Atvinnuvegir: Viðskipti