Markmið: Að auka sjálfstæði þjóðkirkjunnar. 

Helstu breytingar og nýjungar: Ýmis verkefni og ákvörðunarvald er fært til kirkjuþings og ákvæði þess efnis að það sé æðsta vald þjóðkirkjunnar eru gerð skýrari. Stjórn fjármála þjóðkirkjunnar er færð til kirkjuþings. Lagt er til að kirkjuþing setji ákvæði í starfsreglur um kirkjuaga innan þjóðkirkjunnar, lausn ágreiningsmála og agabrot.  

Breytingar á lögum og tengd mál: Lög um Kristnisjóð o.fl. nr. 35/1970.
Lög um kirkjumálasjóð nr. 138/1993.

Kostnaður og tekjur: Ekki er gert ráð fyrir auknum kostnaði fyrir ríkissjóð.  

Umsagnir (helstu atriði): Ein umsögn barst þar sem athugasemdir voru gerðar við nokkrar greinar frumvarpsins.

Afgreiðsla: Frumvarpið var ekki afgreitt úr nefnd.

Efnisflokkar: Trúmál og kirkja: Þjóðkirkjan