Markmið: Að tryggja neytendavernd í fasteignaviðskiptum.

Helstu breytingar og nýjungar: Einkaréttur fasteignasala til að hafa milligöngu um sölu atvinnufyrirtækja annarra en hlutafélaga verði afnuminn. Eftirlitsnefnd fasteignasala taki við kvörtunum ef talið er að fasteignasali hafi valdið tjóni. Lögð er til sú breyting á fyrirkomulagi prófa til löggildingar á störfum fasteignasala að háskólar sjái um námið.

Breytingar á lögum og tengd mál: Fella á úr gildi lög nr. 99/2004 um sölu fasteigna, fyrirtækja og skipa.

Kostnaður og tekjur: Hefur ekki áhrif á ríkissjóð.

Umsagnir (helstu atriði): Verulegar efasemdir koma fram hjá umsagnaraðilum um að markmið frumvarpsins náist að óbreyttu og eru gerðar margar athugasemdir.

Afgreiðsla: Samþykkt með nokkrum breytingum sem eiga að tryggja fagmennsku og neytendavernd í fasteignaviðskiptum.

Efnisflokkar: Samfélagsmál: Atvinnumál  |  Atvinnuvegir: Viðskipti