Markmið: Að heimila starfsemi spilahalla á Íslandi á grundvelli leyfisveitingar ráðherra. Starfsemin fari fram undir opinberu eftirliti. 

Helstu breytingar og nýjungar: Starfsemi spilahalla á Íslandi verður leyfð. Í frumvarpinu eru ákvæði um rekstrarleyfi og leyfisveitingar, spilakassa, spilareglur, spilapeninga og aðgangskröfur, en einstaklingum undir 21 árs er óheimill aðgangur að spilahöllum. Í frumvarpinu eru ákvæði um öryggismál, eftirlit, skráningu viðskiptavina, starfsfólk og skyldu leyfishafa til að sjá til þess að komi upp grunur um spilafíkn hjá viðskiptavini séu honum kynnt meðferðarúrræði. 

Breytingar á lögum og tengd mál: Almenn hegningarlög nr. 19/1940 (181., 183. og 184. gr.). 

Kostnaður og tekjur: Kemur ekki fram í frumvarpi. 

Aðrar upplýsingar: Löggjöf í Danmörku

Afgreiðsla: Ekki var mælt fyrir frumvarpinu.

Efnisflokkar: Lög og réttur: Löggæsla og eftirlit  |  Hagstjórn: Skattar og tollar  |  Atvinnuvegir: Viðskipti