Markmið: Að jafna raforkukostnað dreifbýlis og þéttbýlis.

Helstu breytingar og nýjungar: Leggja á sérstakt jöfnunargjald á þá raforku sem dreifiveitur taka á móti frá flutningskerfi Landsnets.

Breytingar á lögum og tengd mál: Breyta á lögum nr. 98/2004 um jöfnun kostnaðar við dreifingu raforku.

Kostnaður og tekjur: Þegar litið er til áranna 2014-2016 eru nettóáhrif á ríkissjóð lítil sem engin. Þessi liður var ekki fjármagnaður fyrir árið 2014 en mun hins vegar skila umframtekjum árið 2016.

Aðrar upplýsingar:

Landsnet

Orkustofnun

Umsagnir (helstu atriði): Umsagnir skiptust nokkuð í tvö horn, með og á móti, en efnisleg gagnrýni var einkum varðandi aukna skattheimtu.

Afgreiðsla: Samþykkt óbreytt.

Efnisflokkar: Samfélagsmál: Byggðamál  |  Umhverfismál: Orkumál og auðlindir  |  Hagstjórn: Skattar og tollar