Markmið: Að stuðla að ábyrgri stjórn opinberra fjármála.

Helstu breytingar og nýjungar:

Breytingarnar snúa að aukinni áherslu á stefnumótun um opinber fjármál, breytingum á framsetningu fjárlaga, bættum úrræðum til að bregðast við frávikum og aðlögun að alþjóðlegum stöðlum um reikningshald ríkisins. Helstu atriðin eru að lögfest verði ítarlegri ákvæði en nú gilda um stefnumörkun í opinberum fjármálum og skipað skuli fjármálaráð sem leggur mat á hvort stefnunni sé framfylgt. Við framlagningu á frumvarpi til fjárlaga verður leitað heimilda til útgjalda eftir málefnasviðum og málaflokkum í stað fjárlagaliða einstakra stofnana og verkefna.

Breytingar á lögum og tengd mál: Um er að ræða ný lög sem koma í stað laga um fjárreiður ríkisins, nr. 88/1997.

Kostnaður og tekjur: Kostnaðaráætlun um áhrifaþætti frumvarpsins liggur ekki fyrir þar sem ekki hefur verið gerð þarfa- og kerfisgreining á umfangi nauðsynlegra breytinga á upplýsingavinnslukerfum. Gera má ráð fyrir að kostnaður verði töluverður þegar til skamms tíma er litið en lögin hafi jákvæð áhrif á afkomu ríkissjóðs til langs tíma litið.

Aðrar upplýsingar:

Fjármála- og efnahagsráðuneytið. Fréttatilkynning um væntanlegt frumvarp 17.10.2013.

Heildstæð umgjörð um opinber fjármál með nýju frumvarpi. Vefrit fjármála- og efnahagsráðuneytisins 17.10.2012.

Iceland. Toward a New Organic Budget Law (2012). Washington: International Monetary Fund.

Government Finance Statistics Manuals and Guides (2014). Washington: International Monetary Fund.  

Reglugerð um framkvæmd fjárlaga og ábyrgð á fjárreiðum ríkisstofnana í A-hluta nr. 1061/2004.

Sigurður Rúnar Sigurjónsson (2004). Fjárlagaferli þjóðþinga. Lokaverkefni (M.S.) viðskiptafræði, H.Í. 

Umsagnir (helstu atriði): Ein umsögn barst áður en þingið lauk störfum en umsagnarfrestur var ekki útrunninn.

Afgreiðsla: Málinu var vísað til fjárlaganefndar eftir 1. umræðu.

Fjölmiðlaumfjöllun: Lagabót. Af kögunarhóli Þorsteins Pálssonar, visir.is 5. apríl 2014.

Efnisflokkar: Hagstjórn: Fjárreiður ríkisins