Markmið: Að innleiða í íslensk lög tilskipun ESB um losun og móttöku úrgangs frá skipum.

Helstu breytingar og nýjungar: Gerð er sú krafa að í öllum höfnum á landinu verði til staðar aðstaða fyrir móttöku úrgangs frá skipum auk þess að lagðar verða þær skyldur á skipstjóra skipa sem koma til hafnar að skila öllum úrgangi frá skipi.

Breytingar á lögum og tengd mál: Breyta á lögum um varnir gegn mengun hafs og stranda, nr. 33/2004, og einnig að gera lítils háttar breytingar á hafnalögum, nr. 61/2003.

Kostnaður og tekjur: Hefur ekki áhrif á nettóstöðu ríkissjóðs en hugsanlegum útgjaldaauka sveitarfélaga verði mætt með gjaldtöku.

Aðrar upplýsingar: Tilskipun Evrópuþingsins og ráðsins 2000/59/EB um aðstöðu í höfnum til að taka á móti úrgangi skipa og farmleifum.

Umsagnir (helstu atriði): Nokkrar umsagnir bárust með minni háttar athugasemdum.

Afgreiðsla: Frumvarpið var samþykkt nær óbreytt.

Efnisflokkar: Erlend samskipti: Alþjóðasamningar og utanríkismál  |  Umhverfismál: Mengun  |  Samgöngumál: Samgöngur  |  Umhverfismál: Umhverfisstjórn og náttúruvernd