Markmið: Að innleiða tilskipun ESB um greiðsludrátt í verslunarviðskiptum.

Helstu breytingar og nýjungar: Kveðið er á um að samningar milli fyrirtækja skuli ekki veita lengri greiðslufrest en 60 almanaksdaga, nema um annað sé samið, og þegar um er að ræða verslunarviðskipti opinberra aðila skuli gert ráð fyrir 30 almanaksdögum.

Breytingar á lögum og tengd mál: Þetta er frumvarp að nýjum lögum en einnig er gerð lítils háttar breyting á lögum um vexti og verðtryggingu, nr. 38/2001.

Kostnaður og tekjur: Hefur ekki áhrif á ríkissjóð.

Aðrar upplýsingar: Innleiða á tilskipun Evrópuþingsins og ráðsins 2011/7/ESB um átak gegn greiðsludrætti í verslunarviðskiptum, sjá: Tillaga til þingsályktunar um staðfestingu ákvörðunar sameiginlegu EES-nefndarinnar nr. 55/2012 um breytingu á XII. viðauka (Frjálsir fjármagnsflutningar) við EES-samninginn. Fylgiskjal II, bls. 5.

Umsagnir (helstu atriði): Nokkrar umsagnir bárust þar sem gerðar voru tillögur til breytinga og var tekið tillit til flestra þeirra.

Afgreiðsla: Efnahags- og viðskiptanefnd lagði fram nefndarálit með breytingartillögu en málið kom ekki til 2. umræðu.

Efnisflokkar: Erlend samskipti: Alþjóðasamningar og utanríkismál  |  Atvinnuvegir: Viðskipti