Markmið: Að einfalda og auka skilvirkni leyfisveitinga og eftirlits vegna fiskeldis.

Helstu breytingar og nýjungar: Stjórnsýsla vegna útgáfu rekstrarleyfa til fiskeldis og eftirlit verði flutt til Matvælastofnunar frá Fiskistofu og Umhverfisstofnun taki við hlutverki heilbrigðisnefnda sveitarfélaga varðandi útgáfu starfsleyfa fyrir eldi sjávar- og ferskvatnslífvera. Þá er lagt til að stofnaður verði sjálfstæður sjóður í eigu ríkisins, umhverfissjóður sjókvíaeldis, sem hafi það að markmiði að lágmarka umhverfisáhrif sjókvíaeldis.

Breytingar á lögum og tengd mál: Aðalbreyting er á lögum um fiskeldi, nr. 71/2008, en einnig á lögum nr. 7/1998, um hollustuhætti og mengunarvarnir, og lögum nr. 106/2000, um mat á umhverfisáhrifum.

Kostnaður og tekjur: Hefur ekki áhrif á nettóstöðu ríkissjóðs.

Umsagnir (helstu atriði): Margar umsagnir bárust og gerðar voru margar athugasemdir við einstaka greinar sem og frumvarpið í heild.

Afgreiðsla: Samþykkt með nokkrum breytingum sem einkum voru tæknilegs eðlis.

Efnisflokkar: Heilsa og heilbrigði: Heilbrigðiseftirlit  |  Atvinnuvegir: Landbúnaður  |  Atvinnuvegir: Sjávarútvegur  |  Umhverfismál: Umhverfisstjórn og náttúruvernd