Markmið: Að afnema markaðar tekjur ríkissjóðs en það eru ríkistekjur sem eru sérstaklega eyrnamerktar til að standa undir kostnaði við tiltekna málaflokka og renna til viðkomandi stofnana.

Helstu breytingar og nýjungar: Í stað þess að markaðar tekjur renni til viðkomandi stofnunar þá renna þær í ríkissjóð.

Breytingar á lögum og tengd mál: Breyta þarf 58 lögum.

Kostnaður og tekjur: Hefur ekki áhrif á tekjur og gjöld ríkissjóðs.

Aðrar upplýsingar: Í skýrslum Ríkisendurskoðunar til Alþingis, um framkvæmd fjárlaga og um fjárreiður ýmissa stofnana sem hafa markaðar tekjur, hefur komið fram gagnrýni á núverandi fyrirkomulag vegna markaðra tekna.

Umsagnir (helstu atriði): Umsagnir stofnana sem að miklu eða jafnvel öllu leyti eru reknar fyrir markaðar tekjur leggjast gegn frumvarpinu. Aðilar vinnumarkaðarins leggjast gegn frumvarpinu varðandi þá sjóði sem samið hefur verið um á vinnumarkaði með aðkomu markaðra tekna.

Afgreiðsla: Málinu var vísað til fjárlaganefndar eftir 1. umræðu.

Efnisflokkar: Hagstjórn: Fjárreiður ríkisins  |  Hagstjórn: Skattar og tollar