Markmið: Að innleiða í íslensk lög tvær tilskipanir og eina reglugerð Evrópusambandsins, stytta málsmeðferðartíma og skýra og einfalda verklagsreglur við hælisumsóknir. 

Helstu breytingar og nýjungar: Lagt er til að stutt verði við flýtimeðferð hælisumsókna og að ferlið verði einfaldað til að auka skilvirkni. Sjálfstæðri úrskurðarnefnd, kærunefnd útlendingamála, verður komið á fót.

Kostnaður og tekjur: Útgjöld ríkissjóðs munu aukast árlega um 13 milljónir kr. vegna kærunefndar útlendingamála, verði frumvarpið að lögum. Á móti kemur að annar kostnaður, t.d. vegna húsnæðis hælisumsækjenda og styttri afgreiðslutíma umsókna, getur lækkað verulega frá því sem nú er.

Aðrar upplýsingar: Tilskipun 2004/38/EB, um rétt borgara sambandsins og aðstandenda þeirra til frjálsrar farar og dvalar á yfirráðasvæði aðildarríkjanna.

Umsagnir (helstu atriði): Í umsögnum voru ekki gerðar athugasemdir við innleiðingu tilskipananna og reglugerðarinnar og stofnun kærunefndar var almennt fagnað. Gerðar voru athugasemdir við nokkrar greinar frumvarpsins.

Afgreiðsla: Frumvarpið varð að lögum með nokkrum breytingum. Kærunefnd útlendingamála skal nú að jafnaði birta úrskurði sína sem fela í sér efnislega niðurstöðu með aðgengilegum og skipulegum hætti. Einnig voru gerðar breytingar á ákvæðum um dvalarleyfi á grundvelli mannúðarástæðna. 

Fjölmiðlaumfjöllun: Ólafur Stephensen [leiðari]. Betri innflytjendastefna. Fréttablaðið 29.1.2014.

Efnisflokkar: Erlend samskipti: Alþjóðasamningar og utanríkismál  |  Samfélagsmál: Félagsmál  |  Hagstjórn: Fjárreiður ríkisins  |  Lög og réttur: Löggæsla og eftirlit  |  Lög og réttur: Persónuleg réttindi