Markmið: Að bregðast við athugasemdum EFTA um innleiðingu á tilskipun 2006/54/EB, um jöfn tækifæri og jafna meðferð karla og kvenna að því er varðar atvinnu og störf. Einnig eru lagðar til breytingar sem varða lögfestingu á tilskipun Evrópusambandsins 2004/113 EB, um bann við mismunun í tengslum við kaup á vöru og þjónustu.

Helstu breytingar og nýjungar: Óheimilt verður að mismuna fólki vegna kyns við ákvörðun bóta og iðgjalda vegna kostnaðar sem tengist meðgöngu og fæðingu og vegna vátryggingasamninga.

Kostnaður og tekjur: Ekki er gert ráð fyrir auknum kostnaði fyrir ríkissjóð.

Aðrar upplýsingar:

Tilskipun Evrópuþingsins og ráðsins 2006/54/EB, frá 5. júlí 2006, um framkvæmd meginreglunnar um jöfn tækifæri og jafna meðferð karla og kvenna að því er varðar atvinnu og störf.

Umsagnir (helstu atriði): Umsagnir voru almennt jákvæðar en flestar athugasemdir lutu að 5. gr. frumvarpsins um bann við mismunun í tengslum við vörukaup og þjónustu.

Afgreiðsla:

Frumvarpið var samþykkt með minniháttar breytingum.

Fjölmiðlaumfjöllun:  Líkamsræktarstöðvar fyrir konur ólöglegar. Morgunblaðið 12.12.2013.

Efnisflokkar: Erlend samskipti: Alþjóðasamningar og utanríkismál  |  Samfélagsmál: Félagsmál  |  Atvinnuvegir: Viðskipti