Markmið: Að tryggja að við undirbúning og endurskoðun löggjafar og stjórnvaldsfyrirmæla fari fram vandað, óháð og hlutlægt mat á áhrifum þeirra á reglubyrði atvinnulífs og samkeppnisskilyrði. 

Helstu breytingar og nýjungar:

Lagt er til að sett verði á fót óháð ráð, regluráð, sem stjórnvöldum verði skylt að leita umsagnar hjá um lagafrumvörp og áform um stjórnvaldsfyrirmæli sem muni hafa umtalsverð áhrif á reglubyrði atvinnulífsins. 

Breytingar á lögum og tengd mál: Verði frumvarpið að lögum verða lög um opinberar eftirlitsreglur, nr. 27/1999, felld úr gildi.

Kostnaður og tekjur: Miðað við að fjöldi mála verði að jafnaði 30 á ári er áætlað að árlegur kostnaður við starfsemi regluráðs geti numið um 16 milljónum kr. en þar af væru um 6 milljónir kr. ný útgjöld vegna beins kostnaðar við sjálft ráðið.

Aðrar upplýsingar:

Recommendation of the council on regulatory policy and governance (2012).París: OECD.

Umsagnir (helstu atriði): Í umsögnum komu meðal annars fram athugasemdir um skipan í regluráð. Seðlabanki Íslands gerði athugasemdir við að skylda til að bera undir regluráð stjórnvaldsfyrirmæli geti haft áhrif á lögbundið hlutverk hans og sjálfstæði. Fjármálaeftirlitið telur að skyldan geti hægt á viðbragðstíma af þeirra hálfu.

Afgreiðsla: Frumvarpið var ekki afgreitt úr nefnd.

Efnisflokkar: Stjórnarskipan og stjórnsýsla: Alþingi  |  Hagstjórn: Fjárreiður ríkisins  |  Stjórnarskipan og stjórnsýsla: Stjórnkerfi og stjórnarskipunarmál  |  Atvinnuvegir: Viðskipti