Markmið: Að rýmka ákvæði um notkun á íslenska þjóðfánanum við markaðssetningu á íslenskum vörum.

Helstu breytingar og nýjungar: Lagt er til að heimilt verði að nota fánann við markaðssetningu vöru án þess að sérstaklega sé sótt um leyfi til þess. Orðalagið, íslensk að uppruna, er nýtt í lögunum og leggur þær skyldur á herðar þeim sem nota fánann að gera það ekki á röngum forsendum eða á villandi hátt. Sækja þarf sérstaklega um leyfi til ráðherra til þess að nota fánann í skrásett vörumerki.

Breytingar á lögum og tengd mál: Lögð er til breyting á 12. gr. laga nr.  34/1944.

Aðrar upplýsingar:

Löggjöf á Norðurlöndum

Afgreiðsla: Frumvarpinu var vísað til ríkisstjórnarinnar eftir 2. umræðu.

Fjölmiðlaumfjöllun: Halla Helgadóttir (2013). Íslensk hönnun, handverk og föndur? Fréttablaðið 12.12.2013.

Efnisflokkar: Mennta- og menningarmál: Menningarmál  |  Atvinnuvegir: Viðskipti