Markmið:

Að breyta lögum um mat á umhverfisáhrifum nr. 106/ 2000 vegna athugasemda ESA við innleiðingu Íslands á tilskipun 85/337/EBE.

Helstu breytingar og nýjungar:

Framkvæmdir undir tilgreindum viðmiðunarmörkum verða ekki tilkynningarskyldar til Skipulagsstofnunar en þær framkvæmdir sem falla undir lögin verða flokkaðar í þrjá flokka og verða matsskyldar. Þá er lagt til að ákvörðunartakan verði upplýstari og taki til fleiri framkvæmda en nú er áskilið í lögunum.

Kostnaður og tekjur:

Ekki er gert ráð fyrir auknum kostnaði.

Aðrar upplýsingar:

Skipulagsstofnun.

Tilskipun ráðsins 85/337/EBE um mat á áhrifum sem tilteknar framkvæmdir á vegum hins opinbera eða einkaaðila kunna að hafa á umhverfið.

Ásdís Hlökk Theodórsdóttir og Sigbjörn Þór Birgisson (2011). Mat á umhverfisáhrifum – tilkynningarskylda: Ákvarðanir um matsskyldu framkvæmda 2004-2009. Reykjavík: Háskólinn í Reykjavík.

Margrét Vala Kristjánsdóttir o.fl.(2011). Sameiginlegt mat á umhverfisáhrifum. Stjórnmál og stjórnsýsla 7 (4) s.34-56.
 

Umsagnir (helstu atriði):

Umsagnaraðilar ítreka fyrri athugasemdir en þá voru einkum gerðar athugasemdir við flokkun matsskyldra framkvæmda og gagnrýnt að upplýsingar um lágmarksstærð þeirra væru ekki nógu skýrar.

Afgreiðsla: Frumvarpið var afgreitt úr nefnd til 2. umræðu.

Efnisflokkar: Erlend samskipti: Alþjóðasamningar og utanríkismál  |  Umhverfismál: Umhverfisstjórn og náttúruvernd