Markmið: Að stuðla að verndun örnefna og nafngiftahefða sem hluta af íslenskum menningararfi.

Helstu breytingar og nýjungar: Stjórnsýsla við skráningu örnefna er skýrð og samræmd svo að nafngiftir endurspegli sem best raunveruleikann. Ábyrgð á nafngiftum og skráningu þeirra flyst til sveitarfélaga. Fulltrúum í örnefnanefnd fjölgar úr þremur í fjóra og skulu allir hafa sérþekkingu á íslensku máli. Lagt er til að örnefnagrunnur Landmælinga Íslands verði aðgengilegur í stafrænu formi án gjaldtöku.

Breytingar á lögum og tengd mál: Úr gildi falla lög um bæjarnöfn o.fl. nr. 35/1953.

Kostnaður og tekjur: Ekki er gert ráð fyrir auknum kostnaði fyrir ríkissjóð.

Aðrar upplýsingar: Frétt á vef mennta- og menningarmálaráðuneytisins 21.12.2012. Frumvarp til laga um örnefni.

Afgreiðsla: Ekki var mælt fyrir frumvarpinu.

Efnisflokkar: Hagstjórn: Fjárreiður ríkisins  |  Mennta- og menningarmál: Menningarmál  |  Stjórnarskipan og stjórnsýsla: Sveitarstjórnarmál  |  Umhverfismál: Umhverfisstjórn og náttúruvernd