Markmið: Að auka hlut endurnýjanlegra orkugjafa í samgöngum og draga úr losun gróðurhúsalofttegunda.

Helstu breytingar og nýjungar: Gert er ráð fyrir að lögin taki gildi 1. janúar 2015. Sett er sú kvöð á söluaðila að 3,5% heildarorku í eldsneyti til samgangna sé af endurnýjanlegum uppruna árið 2015 og 5% árið 2016. Þá eru gerðar kröfur um upplýsingagjöf og upprunavottorð frá framleiðendum og söluaðilum, sem sýna fram á að eldsneyti sé endurnýjanlegt. 

Kostnaður og tekjur: Gert er ráð fyrir að ríkissjóður verði af tekjum sem nema um 2 milljörðum króna á árunum 2015-2016.

Aðrar upplýsingar:

Frumvarpið felur í sér innleiðingu á tilskipun Evrópuþingsins og ráðsins 2009/28/EB frá 23. apríl 2009 um að hvetja til notkunar orku frá endurnýjanlegum orkugjöfum. Breytingar á IV. viðauka (Orka) við EES-samninginn (samningsafstaða Íslands).

Lög nr. 156/2010 um breytingu á lögum um vörugjald af ökutækjum, eldsneyti o.fl. (kerfisbreyting í skattlagningu ökutækja).

Efling græns hagkerfis á Íslandi (2011). Reykjavík. Skýrsla nefndar Alþingis um eflingu gæns hagkerfis.

Græna orkan. Klasasamstarf um orkuskipti.

Umsagnir (helstu atriði): Umsagnir voru jákvæðar og athugasemdir minniháttar.

Afgreiðsla: Samþykkt með lítilsháttar breytingum.

Efnisflokkar: Erlend samskipti: Alþjóðasamningar og utanríkismál  |  Umhverfismál: Mengun  |  Umhverfismál: Orkumál og auðlindir  |  Samgöngumál: Samgöngur