Markmið: Að hvetja til notkunar innlendra orkugjafa og lækka húshitunarkostnað.

Helstu breytingar og nýjungar: Veita á hitaveitum sem kyntar eru með innlendu eldsneyti sömu stofnstyrki og gilda um jarðvarmaveitur. Skilgreiningu á eldsneyti er breytt þannig að hún eigi einnig við innlenda orkugjafa.

Breytingar á lögum og tengd mál: Breyta á lögum nr. 78/2002 um niðurgreiðslur húshitunarkostnaðar.

Kostnaður og tekjur: Hefur ekki áhrif á ríkissjóð.

Aðrar upplýsingar: Skýrsla starfshóps um breytingar á niðurgreiðslum til húshitunar (2011). Reykjavík: Iðnaðarráðuneyti.

Umsagnir (helstu atriði): Ekki voru gerðar athugasemdir í umsögnum við frumvarpið.

Afgreiðsla: Samþykkt án breytinga.

Efnisflokkar: Samfélagsmál: Byggðamál  |  Hagstjórn: Fjárreiður ríkisins  |  Umhverfismál: Orkumál og auðlindir