Markmið: Að taka af allan vafa um rétt borgarans til að bera synjun um aðgang að sjúkraskrá undir embætti landlæknis, hvort sem um er að ræða eigin sjúkraskrá eða sjúkraskrá látins aðstandanda.

Helstu breytingar og nýjungar: Lagt til að heimildir til að kæra synjanir og ákvarðanir um leiðréttingu eða eyðingu sjúkraskrárupplýsinga til ráðherra verði felldar brott.

Breytingar á lögum og tengd mál: Lög um sjúkrarskrár nr. 55/2009.

Kostnaður og tekjur: Ekki er gert ráð fyrir auknum kostnaði fyrir ríkissjóð.

Umsagnir (helstu atriði): Í umsögnum var gagnrýnt að réttarstaða sjúklinga yrði lakari þegar heimild til að kæra ákvörðun til velferðarráðuneytisins yrði felld brott. Einnig yrðu völd embættis landlæknis óeðlilega mikil.

Afgreiðsla: Frumvarpið var ekki afgreitt úr nefnd.

Efnisflokkar: Heilsa og heilbrigði: Heilbrigðismál  |  Lög og réttur: Persónuleg réttindi