Markmið: Að gera nokkrar minniháttar breytingar á gildandi lögum.

Helstu breytingar og nýjungar: Lagðar eru til breytingar er varða eftirlit með vigtun sjávarafla og aflabrögðum með auknum heimildum Fiskistofu og að afladagbækur verði rafrænar. Óheimilt verður að eiga viðskipti með afla sem ekki hefur verið vigtaður. Þá eru lagðar til breytingar er varða greiðslu kostnaðar vegna eftirlits með fiskiskipum og vigtunarleyfishöfum og fær Fiskistofa auknar heimildir til að beita stjórnvaldssektum og innheimta þjónustugjöld.

Breytingar á lögum og tengd mál: Breyta á lögum nr. 57/1996 um umgengni um nytjastofna sjávar. Þá eru lagðar til minniháttar breytingar á lögum nr. 116/2006, um stjórn fiskveiða, og lögum nr. 33/2000, um veiðieftirlitsgjald.

Kostnaður og tekjur: Hefur líklegast óveruleg áhrif á afkomu ríkissjóðs.

Aðrar upplýsingar: Fiskistofa.

Umsagnir (helstu atriði): Umsagnaraðilar eru flestir jákvæðir á helstu atriði frumvarpsins en margir telja heimildir Fiskistofu til að leggja á stjórnvaldssektir of rúmar.

Afgreiðsla: Frumvarpið var ekki afgreitt úr nefnd.

Efnisflokkar: Lög og réttur: Löggæsla og eftirlit  |  Atvinnuvegir: Sjávarútvegur  |  Hagstjórn: Skattar og tollar