Markmið: Að skýrgreina betur ákvæði um stærðarmörk smábáta í fiskveiðistjórnarkerfinu og breyta úthlutun afla til smábáta.

Helstu breytingar og nýjungar: Bátar í krókaaflamarkskerfi megi ekki vera stærri en 15 brúttótonn og hámarksafli í strandveiði verði ákveðið hlutfall, 3,6%, af heildarafla viðkomandi fisktegundar í stað fastákveðins heildarafla.

Breytingar á lögum og tengd mál: Breyta á lögum nr. 116/2006, um stjórn fiskveiða.

Kostnaður og tekjur: Ekki eru forsendur til að meta áhrifin á ríkissjóð.

Umsagnir (helstu atriði): Umsagnaraðilar eru flestir andsnúnir frumvarpinu og telja það ekki ná yfirlýstum markmiðum um nýliðun og jafnræði.

Afgreiðsla: Frumvarpið var afgreitt úr nefnd til 2. umræðu.

Efnisflokkar: Atvinnuvegir: Sjávarútvegur