Markmið: Að setja sérlög um ökutækjatryggingar og bótaábyrgð vegna tjóns af völdum vélknúinna ökutækja og innleiða tilskipun ESB þess efnis.

Helstu breytingar og nýjungar: Lögð eru til sterkari og hraðvirkari úrræði vegna óvátryggðra ökutækja, rýmkun á fyrningarreglum og breyting er varðar umráðamann ökutækis, meðal annars með tilliti til þess hver ber ábyrgð á ökutæki. Þá er lagt til að ýmis atriði sem nú eru í reglugerðum verði færð í lög.

Breytingar á lögum og tengd mál: Umferðalög nr. 50/1987.

Kostnaður og tekjur: Hefur ekki áhrif á ríkissjóð að mati fjárlagaskrifstofu fjármálaráðuneytis.

Aðrar upplýsingar: Tilskipun ESB um ökutækjatryggingar 2009/103/EB.
Reglugerð um lögmæltar ökutækjatryggingar nr. 424/2008.

Umsagnir (helstu atriði): Umsagnaraðilar gera nokkrar athugasemdir við frumvarpið.

Afgreiðsla: Frumvarpið var ekki afgreitt úr nefnd.

Efnisflokkar: Erlend samskipti: Alþjóðasamningar og utanríkismál  |  Lög og réttur: Löggæsla og eftirlit  |  Samgöngumál: Samgöngur  |  Atvinnuvegir: Viðskipti