Markmið:

Að setja lagastoð fyrir innleiðingu á hluta ákvæða reglugerðar ESB um viðskiptakerfi með losunarheimildir gróðurhúsalofttegunda.
 

Helstu breytingar og nýjungar:

Útfærð er lagastoð fyrir innleiðingu reglna EES-samningsins um uppboð losunarheimilda frá og með árinu 2012 og ákvæði sem geta falið í sér íþyngjandi ákvarðanir varðandi reikninga í skráningarkerfi losunarheimilda. Auk þess eru gerðar minni háttar breytingar.

Breytingar á lögum og tengd mál:

Breyta á lögum nr. 70/2012, um loftslagsmál.

Kostnaður og tekjur:

Ekki er gert ráð fyrir að samþykkt frumvarpsins hafi áhrif á tekjur og gjöld ríkissjóðs.

Aðrar upplýsingar:

Innleiða á reglugerð ESB um kerfi varðandi losun gróðurhúsalofttegunda, nr. 1193/2011, með þessum lögum en fyrri reglugerð um sama efni er nr. 920/2010.

Reglugerð nr. 360/2012, um skráningarkerfi fyrir losunarheimildir.

Björg Thorarensen og Stefán Már Stefánsson (2012).  Álitsgerð um hvort innleiðing reglugerðar ESB nr. 1193/2011 um sameiginlegt skráningarkerfi fyrir losunarheimildir sé annmörkum háð með tilliti til ákvæða stjórnarskrárinnar. Reykjavík. Utanríkisráðuneytið.

Umsagnir (helstu atriði): Athugasemdir umsagnaraðila eru minni háttar.

Afgreiðsla: Samþykkt með nokkrum breytingum sem unnið var að í ráðuneytinu eftir að málið var lagt fram á Alþingi.

Efnisflokkar: Erlend samskipti: Alþjóðasamningar og utanríkismál  |  Umhverfismál: Mengun  |  Umhverfismál: Umhverfisstjórn og náttúruvernd  |  Atvinnuvegir: Viðskipti