283 | Velferð dýra (heildarlög)
141. þing
| 23.10.2012
| Lagafrumvarp
Samþykkt
Umsagnir: 68 | Þingskjöl: 8 | Staða: Lokið
Markmið:
Að koma á heildstæðri löggjöf um velferð dýra.
Helstu breytingar og nýjungar:
Gert er ráð fyrir að í stað núverandi dýraverndarráðs verði sett á laggirnar sérstakt fagráð um velferð dýra sem hafi aðsetur hjá Matvælastofnun og fari yfirdýralæknir með formennsku í fagráðinu. Styrkt eru almenn ákvæði um meðferð dýra, meðhöndlun, aðbúnað og umhverfi. Úrræði til inngripa ef út af er brugðið eru efld, valdmörk í dýravelferðarmálum skýrð og eftirlit í málaflokknum treyst.
Breytingar á lögum og tengd mál:
Verði frumvarpið samþykkt falla úr gildi lög nr. 15/1994, um dýravernd.
Kostnaður og tekjur:
Fjárlagaskrifstofa fjármála- og efnahagsráðuneytis telur að ef viðhlítandi samkomulag náist milli ríkis og sveitarfélaga, um uppgjör verkefna sem ríkið yfirtekur, muni útgjöld vegna frumvarpanna ekki aukast meira en sem nemur kostnaði vegna nýrra lagaákvæða, þ.e. um 3 milljónir kr. á næsta ári þegar lögin taka gildi.
Aðrar upplýsingar:
Löggjöf á Norðurlöndum
Norsk lög:
Lov om dyrevelferd. LOV-2009-06-19-97.
Umsagnir (helstu atriði): Athugasemdir sem hafa borist snúast einkum um að skýra þurfi orðalag og hafa skilgreiningar nákvæmari. Þá vilja margir að gengið verði lengra en gert er í frumvarpinu til að tryggja mannúðlegri meðferð á dýrum.
Afgreiðsla: Samþykkt sem lög með töluverðum breytingum sem einkum skýrðu betur heimildir yfirvalda og tryggðu betur mannúðlega meðferð á dýrum.
Efnisflokkar: Hagstjórn: Fjárreiður ríkisins | Heilsa og heilbrigði: Heilbrigðiseftirlit | Atvinnuvegir: Landbúnaður | Umhverfismál: Umhverfisstjórn og náttúruvernd
