Markmið:

Að innleiða tilskipun Evrópuþingsins um stofnun og rekstur rafeyrisfyrirtækja.

Helstu breytingar og nýjungar:

Innleiða á tilskipun um rafeyri en það eru peningaleg verðmæti í formi kröfu á útgefanda sem er geymd í rafrænum miðli, þ.m.t. á segulformi, gefin út í skiptum fyrir fjármuni, í þeim tilgangi að framkvæma greiðslu í skilningi laga um greiðsluþjónustu og samþykkt er sem slík af öðrum aðilum en útgefandanum sjálfum. Slík ákvæði hafa ekki verið í íslenskum lögum.

Breytingar á lögum og tengd mál:

Breyta þarf nokkrum lögum, einkum lögum nr. 161/2002 um fjármálafyrirtæki, og innleiða í íslenskan rétt ákvæði tilskipunar Evrópuþingsins og ráðsins 2009/110/EC, um stofnun og rekstur rafeyrisfyrirtækja og varfærniseftirlit með þeim.

Kostnaður og tekjur:

Hefur ekki áhrif á fjárhag ríkissjóðs.

Aðrar upplýsingar:

Ný lög um greiðsluþjónustu, nr. 120/2011, tóku gildi 1. desember 2011 en með setningu þeirra voru ákvæði svokallaðrar greiðsluþjónustutilskipunar Evrópuþingsins og ráðsins 2007/64/EB, Payment Services Directive (PSD), innleidd í íslenskan rétt.

Umsagnir (helstu atriði):

Gerðar eru allnokkrar efnislegar athugasemdir sem þó eru minniháttar.

Afgreiðsla: Samþykkt með nokkrum minniháttar breytingum.

Efnisflokkar: Erlend samskipti: Alþjóðasamningar og utanríkismál  |  Hagstjórn: Efnahagsmál  |  Atvinnuvegir: Viðskipti