Markmið:

Með frumvarpinu er lögð til heildarendurskoðun á skipulagi samgöngustofnana.

Helstu breytingar og nýjungar:

Settar verða á fót tvær stofnanir: annars vegar stjórnsýslustofnun, Farsýslan, og hins vegar framkvæmdastofnun, Vegagerðin. Stofnanirnar verða reistar á grunni núverandi samgöngustofnana, þ.e. Siglingastofnunar Íslands, Flugmálastjórnar Íslands, Umferðarstofu og Vegagerðarinnar.

Breytingar á lögum og tengd mál:

Frá 1. janúar 2013 falla úr gildi lög nr. 6/1996, um Siglingastofnun Íslands, og lög nr. 100/ 2006, um Flugmálastjórn Íslands. Einnig falla þá úr gildi ákvæði 111.–115. gr. umferðarlaga, nr. 50/1987.

Kostnaður og tekjur:

Lauslega áætlað mun afkoma ríkissjóðs geta batnað um tæpar 200 milljónir kr. á árinu 2012 vegna samlegðaráhrifa og aukinnar tekjuöflunar verði frumvarpið að lögum.

Aðrar upplýsingar:

Samgönguframkvæmdir. Stjórnsýsluúttekt. (2008) Reykjavík: Ríkisendurskoðun.
Framtíðarskipan stofnana samgöngumála: greining og valkostir. Skýrsla nefndar samgönguráðherra. (2009) Reykjavík: Samgönguráðuneytið.
Sameining í ríkisrekstri - 4. Innanríkisráðuneyti. (2011) Reykjavík: Ríkisendurskoðun.

Vegagerðin

Afgreiðsla:

Meiri hluti umhverfis- og samgöngunefndar lagði fram sameiginlegt nefndarálit um frumvarp til laga um Farsýsluna og frumvarp til laga um Vegagerðina, framkvæmdastofnun samgöngumála. Lagt var til að frumvörpin verði samþykkt með lítilsháttar breytingum og að þau taki gildi 1. júlí 2013 í stað 1. janúar 2013. Frumvarpið var samþykkt svo breytt.

Efnisflokkar: Hagstjórn: Fjárreiður ríkisins  |  Samgöngumál: Samgöngur